जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर बैंक ने सिरीनगर शैहरा दे डिप्टी मेयर गी अपने 125 करोड़ रपेऽ दे श्रण दा भुगतान करने लेई गलाया जेकर ओह ऐसा नेईं करदा ऐ तां ओह अगली कारबाही लेई त्यार रवै।

2. जम्मू कश्मीर दे त्राल लाक्के च सुरक्षा बलें इक टाक्करे च जैश-ए-मोहम्मद दे इक उग्रवादी गी मारी मकाया, टाक्करा अजें बी जारी ऐ।

3. नैशनल कांफ्रेंस दे नेता उमर अब्दुल्ला ने केंद्र सरकार पास्सेआ तालीबानी प्रतिनिधियें दी हाजरी च अफ्गानिस्तान कन्नै गल्लवात पर सुआल चुकदे गलाया जे जम्मू कश्मीर दे हितधारकें कन्नै गल्लवात की नेईं कीत्ती जा करदी।

4. जम्मू कश्मीर दे किश्तवाड़ जिले च बीजेपी नेता ते उदे भ्राऽ दी हत्या दे इल्जाम च पुलिस ने किश लोक्कें गी गिरफ्तार कीत्ता ऐ।

5. नोटबंदी दी दूई सालगिरह दे मौके पर जम्मू कश्मीर कांग्रेस ईकाई ने जम्मू च आरबीआई दफ्तर बाहर सरकार बरोधी रैली कड्डी ते प्रदर्शन कीत्ता।

6. जम्मू कश्मीर दे रजौरी जिले दी नियंत्रण रेखा पर पाकिस्तानी फौज पास्सेआ सीजफायर दा उल्लंघन करियै कीत्ती गेदी गोलाबारी च इक बीएसएफ दा जवान घाऽल होई गेआ।

7. डोडा जिले च शुक्रवारें इक लोड कैरियर दे सड़का परा तलैटियै डूंहगी खाई च डिग्गने करी उस च सवार जम्मू कश्मीर पुलिस दे इक एसपीओ दा निधन होई गेआ ते दो भ्राऽ बुरी चाल्ली घाऽल होई गे ।

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News