जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर दे सांबा जिले दे अंतराश्ट्री बन्ने पर पाकिस्तानी फौज पास्सेआ सीजफायर दा उल्लंघन करियै कीत्ती गेदी गोलाबारी च बीएसएफ दे इक अस्सिटैंट कमांडर समेत चार जवान शहीद होई गे ते त्रै जवान घाऽल होई गे।

2. बीएसएफ दे वरिष्ठ अधिकारी ने अज्ज गलाया जे भारती सुरक्षा बल सीजफायर दी गरिमा बनाए दे न पर पाकिस्तानी फौज ने इसदा उल्लंघन कीत्ता ऐ।

3. जम्मू कश्मीर दी मुक्खमंत्री महबूबा मुफ्ती ने अज्ज सलाह दित्ती जे तरक्की आहली योजनाएं गी समाजिक, आर्थिक ते पर्यावरण दे अधार पर करना लोड़चदा जिसदे कन्नै समाज हर चाल्ली कन्नै तरक्की होई सकै।

4. जम्मू कश्मीर दी बीजेपी ते कांग्रेस दौनें पाकिस्तान पास्सेआ सीजफायर दा उल्लंघन करियै कीत्ती गेदी गोलाबारी दी सख्त मुखालफत कीत्ती जिस चार बीएसएफ दे जवान शहीद होई गे। कांग्रेस ने इल्जाम लाया जे पाकिस्तान खलाफ मोदी सरकार दी नीति कमजोर ऐ।

5. जम्मू कश्मीर दी मुक्खमंत्री महबूबा मुफ्ती ने सांबा जिले दे रामगढ़ सैक्टर च पाकिस्तानी गोलाबारी च चार बीएसएफ दे जवानें दी शहादत पर डूंहगा दुख जाहर कीत्ता।

6. एम्स हस्पताल दे डाक्टरें बुधवारें गलाया जे साबका प्रधानमंत्री अटल बिहारी वाजपेयी हुंदी सेहत च सुधार ऐ।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News