जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर दे साबका मुक्खमंत्री उमर अब्दुल्ला ने अज्ज गलाया जे केंद्र पास्सेआ सीजफायर दे बाद जेकर सुरक्षा बल सख्त कार्रवाई करदे न तां उग्रवादी सिर्फ अपने आपै गी दोशी मनङन।

2. मौसम विभाग ने औने आहले त्र'ऊं रोजें लेई जम्मू च खुश्क मौसम दा लाना लाया ऐ ते जम्मू खित्ते च इसदे कन्नै तापमान च बडौतरी दिक्खी जाग।

3. जम्मू कश्मीर दे पुलवामा जिले च कोर्ट दे बाहर ड्यूटी देआ करदे दो पुलिस कर्मियें पर उग्रवादिएं फायरिंग कीत्ती। जिस हमले च ओह पुलिस कर्मी शहीद होई गे ।

4. जम्मू कश्मीर दे अनंतनाग जिले च अज्ज उग्रवादिएं पास्सेआ कीत्ते गेदे इक ग्रेनेड हमले च इक सीआरपीएफ दा जवान घाऽल होई गेआ।

5. जम्मू कश्मीर दे पुलवामा जिले च सुरक्षा बलें इक बारूदी सुरंग दा मौके सिर पता लाने ते उसी तवाह करने कन्नै कुसै बड्डी दुर्घटना थमां बचाई लेआ।

6. पिछले 18 रोजें थमां हड़ताल पर बैठे दे जम्मू डवैल्पमैंट आथारिटी दे कर्मचारियें गी जून महीने थमां तनख्वाह सतमें पे कमीशन दी सफारशें दे अधार पर मिलग।

7. जम्मू कश्मीर दे किश्तवाड़ जिले च गैरकानूनी तरीके कन्नै लगभग 62 किलोमीटर सड़क पर खुदाई करियै खराब करने पर भारती एयरटेल ते रिलायंस जियो दौनें टैलीकाम कंपनियें दे खलाफ एफआईआर दर्ज कीत्ती गेई ऐ।

8. एम्स हस्पताल दिल्ली दे डाक्टरें मंगलवारें गलाया जे साबका प्रधानमंत्री अटल बिहारी वाजपेयी हुंदी स्थिति सामान्य ऐ ते ओह पुरी चाल्ली स्वस्थ होई जान उन्ने चिर तोड़ी हस्पताल च गै रौंहङन।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News