जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. महिलाएं खलाफ हिंसा पर जम्मू कश्मीर दे गवर्नर ऐन ऐन वोहरा होरें अज्ज दो अध्यादेशें गी मंजूरी दित्ती, जिदे च 12 ब'रें कोला घट्ट उमरी दी बच्चियें कन्नै बलात्कार आहलें गी मौत दी सजा दा प्रावधान बी शामिल ऐ।

2. लगभग दो दशक पैहलें जम्मू कश्मीर च कीत्ते गेदे इक पक्खी सीजफायर च 129 लोक्कें ते 43 सुरक्षा बलें दी जान दे नुकसान दे बाद इस बारी रमज़ान कोला पैहले सरकार पास्सेआ सीजफायर दे ऐलान कन्नै गै सुरक्षा एजेंसियें आस्तै चुनौती बनी गेई ऐ।

3. जम्मू कश्मीर बीजेपी दे नमें बने दे प्रधान रवींद्र रैना ने हिज्बुल मुजाहिदीन दे चीफ सईद सलाऊदीन गी खून खराबे दा रस्ता छोड़ियै रियासत च अपने घर परतोने लेई गलाया।

4. केंद्र ने जम्मू कश्मीर दे प्रमुख सचिव दे कार्यकाल गी बधाने गी लेइयै नियमें च संशोधन कीत्ता ऐ जिसदे कन्नै बी बी व्यास हुंदा कार्यकाल बधी सकदा ऐ।

5. जम्मू कश्मीर पुलिस दे प्रमुख एसपी वैध ने मकामी उग्रवादिएं दे परिवारें गी आग्रह कीत्ता जे ओह केंद्र पास्सेआ रमजान महीने च सीजफायर दा फायदा चुकदे होई अपने बच्चें गी हिंसा दा रस्ता घर छोड़िए घर परतोने लेई आक्खन।

6. जम्मू कश्मीर दे सांबा ते कठुआ जिले दे अंतराश्ट्री बन्ने पर पाकिस्तानी सेना पास्सेआ कीत्ती गेदी गोलाबारी च इक बीएसएफ दे जवान समेत दो नागरिक घाऽल होई गे।

7. प्रधानमंत्री नरेन्द्र मोदी दी 19 मई गी जम्मू कश्मीर दी यात्रा कोला पैहले अज्ज जेकेएलएफ दे चेअरमैन मुहम्मद यासीन गी गिरफ्तार करी लैत्ता।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News