जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. मुक्खमंत्री महबूबा मुफ्ती दे इक हफ्ता पैहलें आग्रह करने बाद अज्ज गृहमंत्री राजनाथ सिंह ने ऐलान कीत्ता जे पवित्र रमज़ान म्हीनें च सुरक्षा बल जम्मू कश्मीर उग्रवादिएं खलाफ च कोई आप्रेशन नेईं करंङन।

2. केंद्र पास्सेआ पवित्र रमज़ान म्हीने च वगैर शर्त सीजफायर दे ऐलान दे किश घैंटे बाद गै जम्मू कश्मीर दे शोपियां जिले च उग्रवादिएं खलाफ सुरक्षा बलें दी कार्रवाई खत्म करी दित्ती गेई।

3. कठुआ जिले च कथित घुसपैठिए दिक्खने बाद बीएसएफ ने अंतरराष्ट्रीय बन्ने पर गुप्त सुरंग दा पता लाने आस्तै इक अभियान दी शुरुआत कीत्ती ऐ।

4. प्रधानमंत्री नरेंद्र मोदी दी जम्मू कश्मीर यात्रा कोला पैहले कीत्ते गेदे हाई एलर्ट दे मद्देनजर बीएसएफ ने जम्मू कश्मीर दे सांबा जिले दे अंतराश्ट्री बन्ने पर घुसपैठ गी नाकाम कीत्ता ऐ।

5. भारती मौसम विभाग ने बुधवारें चेतावनी जारी कीत्ती जे उत्तर भारत ते उत्तर पश्चिम भारत च शुक्रवार तोड़ी गर्ज चमक कन्नै बर्खा दे असार जताए न।देश राजधानी दिल्ली च सबेरै अंधी-झखड़ चलेआ ऐ।

6. जम्मू कश्मीर दी मुक्खमंत्री महबूबा मुफ्ती ते नैशनल कांफ्रेंस दे नेता उमर अब्दुल्ला ने केंद्र पास्सेआ पवित्र रमज़ान म्हीने च जम्मू कश्मीर च कुसै चाल्ली दे फौजी आप्रेशन गी रोकने आहले ऐलान दा समर्थन कीत्ता ऐ।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News