जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर दे सांबा जिले दे अंतराश्ट्री बन्ने पर पाकिस्तानी फौज पास्सेआ सीजफायर दा उल्लंघन करियै कीत्ती गेदी गोलाबारी च इक बीएसएफ दा जवान शहीद होई गेआ।

2. बीएसएफ दे डरैक्टर जनरल के के शर्मा ने अज्ज दस्सेआ जे प्रधानमंत्री नरेंद्र मोदी दी जम्मू कश्मीर यात्रा कोला पैहले पाकिस्तानी फौज बन्ने पर उग्रवादिएं गी घुसपैठ कराने दी कोशिश करा दी ऐ।

3. जम्मू कश्मीर दे उपमुक्खमंत्री कविंद्र गुप्ता होरें कर्नाटक चुनांऽ च बीजेपी दी जित्त पर गलाया जे एह 2019 दे लोकसभा चुनाएं दा ट्रेलर ऐ ते पार्टी लोकसभा चुनांऽ च पूर्ण बहुमत हासिल करग।

4. जम्मू कश्मीर दी मुक्खमंत्री महबूबा मुफ्ती ने अज्ज बीजेपी गी कर्नाटक विधानसभा चुनांऽ च जित्त पर मुबारकबाद दित्ती।

5. नैशनल कांफ्रेंस दे कार्यबाहक प्रधान उमर अब्दुल्ला ने विलियम शेक्सपियर दे वाक्य राहें कर्नाटक चुनांऽ दे परिणामें पर आश्चर्य जताया ऐ।

6. जम्मू कश्मीर सरकार पास्सेआ रियासत दी महिलाएं पास्सेआ जयदाद बेचने पर स्टांप ड्यूटी हटाने मगरा जम्मू कश्मीर बैंक ने महिलाएं पास्सेआ लेदे गेदे लोन पर ब्याज दर घटाने दा ऐलान कीत्ता ऐ।

7. शेर-ए- कश्मीर युनिवर्सिटी आफ एग्रीकल्चर ते टैक्नोलॉजी दे वीसी प्रदीप कुमार शर्मा होरें अज्ज दस्सेआ जे प्रधानमंत्री नरेंद्र मोदी युनिवर्सिटी दे छेमेंं दिक्षांत समारोह च हिस्सा लैंङन।

8. प्रधानमंत्री नरेन्द्र मोदी दी जम्मू कश्मीर यात्रा पर अलगाववादियें शनिवारें लाल चौक च प्रदर्शन दा ऐलान कीत्ता ऐ।

9. जम्मू कश्मीर दे अनंतनाग जिले बिजबिहाड़ा कस्बे च उग्रवादिएं पास्सेआ कीत्ते गेदे इक हमले च इक पुलिस कर्मी शहीद होई गेआ ।

10. केंद्रीय मंत्री जितेंद्र सिंह ने अज्ज गलाया जे केंद्र सरकार दे कर्मचारियें गी पैंशन हासिल करने लेई आधार कार्ड लाजमी नेईं ऐ।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News