जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. वरिष्ठ बीजेपी नेता चौधरी लाल सिंह ने अज्ज गलाया जे जम्मू दे लोक्कें गी 8 ब'रें दी कुड़ी दे बलात्कार ते हत्या आहले मसले पर बदनाम कीत्ता जा करदा ऐ उनें इस मसले दी सीबीआई जांच दी मंग गी दोहराया ऐ।

2. सुप्रीम कोर्ट 16 मई गी कठुआ बलात्कार ते हत्या आहले मसले पर त्रै गवाहें गी रियासती पुलिस पास्सेआ प्रताड़ित करने आहली अर्जी पर सुनवाई करग।

3. कश्मीरी पंतें पास्सेआ खीर भवानी यात्रा च जाने कोला पैहले अपनी पहचान देने आहले नोटिस दी चतरफा नुक्ताचीनी होने बाद महबूबा मुफ्ती सरकार ने इस नोटिस गी बापस लेइयै मसले दी जांच दे आदेश जारी कीत्ते।

4. सुप्रीम कोर्ट 16 तरीक रियासत दी स्थाई नागरिकता ते विशेष हक्कें आहले भारती संविधान दे आर्टिकल 35 A पर दाखिल पीआईएल पर दुआरा सुनवाई करग।

5. नैशनल कांफ्रेंस दे प्रधान फारूक अब्दुल्ला ने अज्ज गलाया जे केंद्र जम्मू कश्मीर दी स्थिती गी मूकदर्शक बनियै दिक्खा करदा ऐ।

6. दिल्ली पुलिस ने सोमवारें दिल्ली दी इक मकामी अदालत च सुनंदा पुष्कर दी आत्महत्या आहले मसले पर चार्जशीट दाखिल कीत्ती जिस च उदे पति ते कांग्रेस नेता शशि थरूर गी दोशी मन्नेआ गेदा ऐ। मसले पर सांसद ने प्रतिक्रिया दिंदे आक्खेआ जे एह मेरे लेई आश्चर्यजनक ऐ।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News