जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. कठुआ जिले च बलात्कार ते हत्या आहले मसले पर आरोपियें दे हक्कै च रैली करने लेई बीजेपी दे दो मंत्रियैं चौधरी लाल सिंह ते चंद्र प्रकाश गंगा ने अपने अस्तीफे पार्टी प्रमुख गी सौंपे न।

2. जम्मू कश्मीर दे उपमुक्खमंत्री ते वरिष्ठ बीजेपी नेता निर्मल सिंह ने कठुआ जिले च अट्ठें ब'रें दी कुड़ी दे बलात्कार ते हत्या आहले मसले पर क्राइम ब्रांच दी जांच दा बचाव करदे गलाया जे एह जांच कोर्ट दे अधीन होआ करदी ऐ।

3. कठुआ ते उनाव केसें पर बीजेपी ने अज्ज दावा कीत्ता जे उदे बरोधियें इनें दो केसें गी चुनियै बीजेपी गी निशाना बनाया ऐ। उनें गलाया जे दोशियें खलाफ कड़ी कार्रवाई कीत्ती जाग।

4. जम्मू कश्मीर पुलिस दे डीजीपी एसपी वैध ने गलाया जे कठुआ जिले च बलात्कार ते हत्या आहले मसले पर पीड़ित परिवार ते गवाहें गी पूरी सूरक्षा प्रधान कीत्ती जाग। जम्मू लिंक्स थमां लैत्ती गेदी

5. जम्मू कश्मीर दे कठुआ जिले च अट्ठें बरें दी कुड़ी दा बलात्कार ते निर्मम हत्या आहले मसले पर बनी दी स्थिती दी चर्चा आस्तै पीडीपी नेताएं दी मलाटी कल्ल सिरीनगर च होग।

6. गुज्जर समुदाय दे लोक्कें कठुआ जिले च अट्ठें बरें दी कुड़ी दे बलात्कार ते हत्या आहले मसले पर प्रदर्शन करियै आरोपियें गी सख्त सजा दी मंग कीत्ती।

7. जम्मू कश्मीर दे साबका मुक्खमंत्री उमर अब्दुल्ला ने अज्ज रियासत दे कठुआ जिले च अट्ठें बरें दी कुड़ी दे बलात्कार ते हत्या आहले मसले पर प्रधानमंत्री नरेंद्र मोदी गी चुप्पी तोड़ने लेई आक्खेआ।

8. बरोधी पार्टी नैशनल कांफ्रेंस दे नेता उमर अब्दुल्ला ने अज्ज जम्मू कश्मीर दी मुक्खमंत्री महबूबा गी आक्खेआ जे ओह कठुआ जिले च होए दे बलात्कार ते हत्या दे मसले पर आरोपियें दे हक्कै च बोलने आहले अपने दो कैबिनेट मंत्रियें गी हटाई देयै।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News