जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर दे खजाना मंत्री हसीव द्राबू जेह्डे बीजेपी -पीडीपी गठबंधन च इक पुल हे उनेंगी मुक्खमंत्री महबूबा मुफ्ती ने कश्मीर गी राजनितिक मसला नेईं दसने आहले ब्यान करी मंत्रीमंडल थमां बर्खास्त करी दित्ता।

2. जम्मू कश्मीर दे खजाना मंत्री हसीव द्राबू दी बर्खास्तगी बाद रियासत दे साबका मुक्खमंत्री उमर अब्दुल्ला ने गलाया जे नमीं दिल्ली दे प्रभाव च दित्ते दा ब्यान द्राबू होरेंगी मैंहगा पेआ।

3. जम्मू कश्मीर दे गवर्नर ऐन ऐन वोहरा ने रियासत दी जेलें च पुख्ता सुरक्षा इंतजाम करने लेई आक्खेआ। "जम्मू लिंक्स थमां लैत्ती गेदी"

4. मुक्खमंत्री महबूबा मुफ्ती पासेआ खजाना मंत्री गी बर्खास्त करने पर बीजेपी ने गलाया जे एह निराशा जनक ऐ ते इदे कन्नै पीडीपी-बीजेपी गठबंधन च दूरी आई सकदी ऐ।

5. अनंतनाग जिले च सुरक्षा बलें पासेआ त्रै उग्रवादिएं गी मारी मकाने बाद जम्मू कश्मीर लीबरेशन फ्रंट दे प्रधान मोहम्मद यासीन मलिक गी सुरक्षा दे मद्देनजर घरै च बंदी बनाया गेआ ऐ।

6. जम्मू कश्मीर च नौशैरा गी बक्ख जिला बनाने दी मंग गी लेइयै रजौरी च पीडीपी-बीजेपी कार्यकर्ताएं बश्कार आपसी झड़प च पंज जने घाऽल होई गे।

7. जम्मू कश्मीर दे अनंतनाग जिले च अज्ज सुरक्षा बलें उग्रवादिएं कन्नै इक टाक्करे च त्रै उग्रवादी मारी मकाए।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News