जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. मुक्खमंत्री महबूबा मुफ्ती ने अज्ज सुंजमां उग्रवादी हमले च शहीद होए दे चऊं जवानें गी श्रध्दांजलि दित्ती।

2. सिरीनगर दे करण नगर च सीआरपीएफ दे कैंप पर हमला करने कोला विफल रौहने दे बाद इक इमारत च घुसे दे लश्कर ए तोयवा दे उग्रवादियें दी मौत दे कन्नै गै 32 घैंटे चले दे टाक्करा खत्म होई गेआ।

3. कश्मीर घाटी दे ज्यादातर थाहरें पर छुटपुट बर्फबारी होंदी रेही। घाटी दे अलावा लद्दाख खित्ते च तापमान जमाव बिंदु कोला हेठ बरकरार ऐ। "जम्मू लिंक्स थमां लैत्ती गेदी"

4. अज्ज मौसम च सुधार दे कन्नै गै जम्मू - सिरीनगर जरनैली सड़का पर गड्डियें दी आओ-जाई गी बहाल करी दित्ता गेआ लगभग 200 गड्डियां जिंदे च 55 सवारियें आह्लियां हिंया उनेंगी सिरीनगर लेई रवाना कीत्ता गेआ।

5. गृह मंत्री राजनाथ सिंह ने फौजी जवान दी लाड़ी गी मुबारकबाद दित्ती जिन्न जम्मू दे सुंजमां कैंप च हमले दौरान गोलियें च बहादुरी दसदे बच्चे गी जन्म दित्ता। उनें उसदे हौसले दी सराहना कीत्ती।

6. जम्मू कश्मीर, हिमाचल प्रदेश ते उत्तराखंड दे बर्फीले लाक्कें च अज्ज बर्फीले तूफान दी चेतावनी जारी कीत्ती गेई।

7. जम्मू कश्मीर नैशनल पैंथरस पार्टी ने सुंजमां फौजी कैंप पर उग्रवादी हमले ते विधानसभा च नैशनल कांफ्रेंस दे विधायक पास्सेआ विवादास्पद बयान देने आह्ले मसलें गी लेइयै उपमुक्खमंत्री डा निर्मल सिंह दे घरै बाहर प्रदर्शन कीत्ता।

8. जम्मू-कश्मीर च खूनी संघर्ष गी बंद करदे पाकिस्तान कन्नै गल्लवात शुरू करने आह्ले मुक्खमंत्री महबूबा मुफ्ती दे व्यान दे दुए रोज बीजेपी ने अज्ज गलाया जे एह गल्लवात लेई समां नेईं ऐ जिसलै के गुआंढी मुल्क उग्रवादियें दी मदाद करा करदा ऐ।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News