जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जैश-ए-मोहम्मद दे उग्रवादियें अज्ज जम्मू शैहरा दे बाहरले लाक्के सुंजमां च फौजी कैंप पर हमला कीता जिदे च दो फौजी इक जेसीओ ते इक एनसीओ श्हीद होई गे ते मेजर ते फौजी अधिकारी दी धीऽ समेत नो जने घाऽल होई गे।इस दौरान दो उग्रवादी बी मारी मकाए।

2. नैशनल कांफ्रेंस दे विधायक मोहम्मद अकबर लोन ने अज्ज जम्मू-कश्मीर विधानसभा च पाकिस्तानी समर्थन च नारे लाए। उदे मगरा बीजेपी ने जम्मू च होए दे उग्रवादी हमले लेई पाकिस्तान दी आलोचना कीत्ती।

3. जम्मू दे सुंजमां कैंप च होए दे उग्रवादी हमले दे बरोध च अज्ज जम्मू कश्मीर विधानसभा च पाकिस्तान बरोधी नारे गूंजे। इस हमले च दो फौजी अधिकारी श्हीद होई गे।

4. रक्षा मंत्रालय ने जम्मू कश्मीर ते उत्तर पश्चिम च फौज दे कैंपें गी उग्रवादी हमले थमां बचाने ते उंदे कोला सुरक्षित रखने आह्ले बंदोबस्त लेई 1487 करोड़ रपेऽ गी मंजूरी दित्ती। "जम्मू लिंक्स थमां लैत्ती गेदी"

5. जम्मू दे सुंजमां कैंप च उग्रवादियें दे हमले च दो फौजी अधिकारियें दी शहादत पर जम्मू कश्मीर दे साबका मुक्खमंत्री उमर अब्दुल्ला ने अज्ज गलाया जे बीजेपी गी देश कोला माफी मंगनी लोड़चदी जे ओह् जम्मू कश्मीर गी शांत नेईं रक्खी पा करदे।

6. जम्मू कश्मीर दे पुंछ जिले च नियंत्रण रेखा दे कोल बस्से दे ग्राएं च पाकिस्तानी फौज ने मोटार दाग्गे।

7. पश्चिमी विक्षोभ दे बजह कन्नै उत्तर भारत दे राज्य पंजाब, दिल्ली, उत्तर प्रदेश च मौसम विभाग ने औने आह्ले दो रोजें च गर्ज चमक कन्नै बर्खा दे अलावा ऐन पौने दी संभावना जताई ऐ।

8. जम्मू कश्मीर दे साबका मुक्खमंत्री उमर अब्दुल्ला ने अज्ज गलाया जे केंद्र ते पीडीपी नेतृत्व आहली रियासती सरकार वादे मताबक कश्मीरी पंतें दी घाटी बापसी करोआने च असमर्थता दस्सी ऐ।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News