जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर पुलिस ने अज्ज चार लोक्कें गी गिरफ्तार कीता जिन्नें सिरीनगर दे एसएचएम हस्पताल थमां लश्कर ए तोयवा दे उग्रवादी मोहम्मद नावीद जट्ट दे नस्सने च साथ दित्ता।

2. जम्मू कश्मीर विधानसभा च विपक्ष दे नेता उमर अब्दुल्ला ने अज्ज रियासती सरकार गी यूपीएससी परिक्षा लेई रियासत दे युवाएं दी उमर सीमा बधाने दी केंद्र अग्गें मंग करने लेई गलाया। "जम्मू लिंक्स थमां लैत्ती गेदी"

3. जम्मू कश्मीर आस्तै केंद्र दे विशेश प्रतिनिधि दिनेशवर शर्मा ने अज्ज मुक्खमंत्री महबूबा मुफ्ती कन्नै मलाटी करियै खित्ते दी राजनीतिक स्थिति पर चर्चा कीत्ती।

4. डोडा जिले च भूस्खलन करी इक घरै दे त्रुटने कन्नै इक 58 बरें दी जनानी दी मौत होई गेई ते उदा जागत घाऽल होई गेआ।

5. मुक्खमंत्री महबूबा मुफ्ती ने अज्ज गलाया जे केंद्र ने जम्मू दे अंतराश्ट्री बन्ने पर 90 बीओपी बनाने लेई मंजूरी दित्ती ऐ।

6. कश्मीरी मुस्लिम युवा कन्नै हरियाणा च होए दे बरताव दे बरोध च अज्ज बरोधी पार्टी दे विधायकें जम्मू कश्मीर विधानसभा च हंगामा कीत्ता ते वाक-आऊट कीत्ता ।

7. फौज दे मेजर आदित्य कुमार दे पिता ने बीरवारें सुप्रीम कोर्ट च जाइयै अपने पुत्र पर गोलाबारी च त्रै नागरिकें दी मौत आह्ले मसले च जम्मू कश्मीर पुलिस पास्सेआ लाई गेदी एफआईआर गी खत्म करने दी मंग कीती।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News