जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. कश्मीर घाटी दे डाक्टरें अज्ज घाटी च इक निजी चैनल पास्सेआ स्टिंग ऑपरेशन दस्सने पर सरकार पास्सेआ स्कीमस हस्पताल दे डरैक्टर गी मुल्तवी करने दे बरोध च हड़ताल दी धमकी दित्ती उंदा आक्खना ऐ जे उनेंगी हटाने दे जरिए गी दस्सेआ जा।

2. जम्मू कश्मीर दी मुक्खमंत्री महबूबा मुफ्ती ने अज्ज उम्मीद जताई जे अलीगढ़ मुस्लिम युनिवर्सिटी दा विद्यार्थी जेह्ड़ा हिजबुल मुजाहिदीन उग्रवादी संगठन च शामल होआ ऐ जल्दी अपने घर घर बापस औग ते अपनी पढ़ाई गी पूरा करग।

3. जम्मू कश्मीर सरकार ने अज्ज गलाया जे उधमपुर जिले दे प्रसिद्ध सैलसफा थाहर पत्निटाप च गंढोला कार परियोजना दिसम्बर च पूरी करी लैत्ती जाग। "जम्मू लिंक्स थमां लैत्ती गेदी"

4. जम्मू कश्मीर सरकार ने अज्ज गलाया जे 2016 च हिजबुल मुजाहिदीन दे कमांडर बुरहान वान्नी दी मौत मगरा होई दी हिंसा च 51 लोक्कें दी मौत ते लगभग 9000 घाऽल होए जिदे च पैलेट गन कन्नै 6000 बी शामल ऐ।

5. पाकिस्तानी फौज ने अज्ज जम्मू-कश्मीर दे उड़ी सैक्टर च नियंत्रण रेखा पर भारती चौकिएं गी निशाना बनाइयै गोलाबारी कीत्ती।

6. फौज दे जनरल विपिन रावत ने अज्ज गलाया जे भारत अपनी सरजमीं पर कुसै किस्म दी घुसपैठ बर्दाश्त नेईं करग उनें गलाया जे चीन बेशक शक्तिशाली मुल्क ऐ पर भारत बी कुसै कोला घट्ट नेईं ऐ।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News