जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जंदी रातीं कश्मीर घाटी दे अलावा लद्दाख खित्ते च तापमान च किश बड़ौतरी दर्ज कीत्ती गेई पर एह अजें बी जमाव बिंदु कोला हेठ बरकरार ऐ मौसम विभाग ने अगले हफ्तै पश्चिमी बिक्शौप करी भारी बर्खा जा बर्फबारी दे असार जताए न।

2. अगले हफ्तै रियासत च बर्खा ते बर्फबारी दे असार दे मद्देनजर जम्मू कश्मीर पुलिस ने घाटी ते लद्दाख खित्ते दे बक्ख बक्ख जिलें च हेल्पलाइन बनाई ऐ जेह्ड़ी मुसीबत दे मौके लोक्कें दी मदाद करग। "जम्मू लिंक्स थमां लैत्ती गेदी"

3. जम्मू कश्मीर दे लद्दाख खित्ते च अज्ज सबेरै मझाटले दर्जे दा भुंचाल आया जिसदी तीव्रता रिक्टर स्केल पर 5.4 आंकी गेई।

4. प्रधानमंत्री नरेंद्र मोदी ने गुजरात चुनांऽ कोला पैहलें राहुल गांधी दे मंदरें दे दौरे पर तंज कसदे गलाया जे कांग्रेस दा ध्यान इनें दिनें डा बीआर अंबेडकर दे थाहर बाबा भोले च ज्यादा केंद्रित ऐ।

5. केंद्रीय गृह मंत्री राजनाथ सिंह ने अज्ज बंग्लादेश दे बन्ने कन्नै लगदे पंज पश्चिमी राज्यें गी गलाया जे ओह् बंग्लादेश दे बन्ने पर ज्यादा चौकसी रक्खन तां जे गैरकानूनी तरीके कन्नै कोई बी रोहिंग्या जा दुए लोक भारत च दाखल नेई होई सकन।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News