जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर दी मुक्खमंत्री महबूबा मुफ्ती ने अज्ज गलाया जे जम्मू कश्मीर च गुत्तां कटोने आह्ली घटनाएं रियासत च महिलाएं दी गरिमा गी कमजोर करने दा प्रयास कीत्ता ऐ।

2. जम्मू कश्मीर दे अनंतनाग जिले दे बिजवाड़ा लाक्के चा किश नकाबपोश बंदूकधारियें इक बैंक गी लुट्टी लैत्ता ते केईं लक्ख रपेऽआ लुट्टियै फरार होई गे।

3. जम्मू कश्मीर दे पुंछ जिले दी नियंत्रण रेखा पर सीजफायर दा उल्लंघन करियै पाकिस्तानी फौज पास्सेआ भारी गोलाबारी च इक भारती फौज दा जवान ते इक मजदूर घाऽल होई गेआ। "जम्मू लिंक्स थमां लैत्ती गेदी"

4. जम्मू कश्मीर दे पुलवामा जिले च इक सैलून कोल विस्फोट होआ पत्थरबाजें दे समूह ने मौके पर पुलिस गी जांच आस्तै जाने कोला रोकेआ।

5. जम्मू कश्मीर दे साबका मुक्खमंत्री उमर अब्दुल्ला ने अज्ज गलाया जे आरूशी हत्याकांड च पुलिस ने जांच गी सिर्फ कुत्तें दा नाश्ता गै बनाया।

6. जम्मू कश्मीर नैशनल पैंथरस पार्टी ने अज्ज रियासती सरकार गी चुनौती दित्ती जे ओह् भठींडी-सुंजमा च जंगलात मैहकमे दी जमीन पर किश शक्तिशाली नेताएं पास्सेआ बनाई गेदी घरेलू कॉलोनी गी तबाह करियै दस्सै। "जम्मू लिंक्स थमां लैत्ती गेदी"

7. अनिश्चित कालीन हड़ताल पर गेदे जम्मू कश्मीर सूचना ते जनसंपर्क कर्मचारियें अज्ज जनता कन्नै संरबंधत कम्म जारी रक्खने च सहमति जताई पर मीडिया संस्थाएं गी ऐड वितरण कोला मना करी दित्ता।

8. केंद्र पास्सेआ जीएसटी दे तैह्त नमीं ऐलान कीत्ती गेदी प्रोत्साहन योजना दी नुक्ताचीनी करदे जम्मू दे व्यापारियें इसदे खिलाफ आंदोलन शुरू करने दी धमकी दित्ती।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News