जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. आर्टिकल 35A ते 370 पर छिड़ी दी बहस दे मद्देनजर केंद्रीय गृह मंत्री राजनाथ सिंह ने अज्ज गलाया जे बीजेपी दे नेतृत्व आहली केंद्र सरकार जम्मू कश्मीर दे लोक्कें दी उम्मीदें दे खलाफ कम्म नेईं करा दी।

2. उधमपुर जिले च भारी भूस्खलन ते इक पुल दे त्रुट्टने करी 300 किलोमीटर लम्मी जम्मू-सिरीनगर जरनैली सड़का पर गड्डियें दी आओ-जाई गी रोकी दित्ता गेआ।

3. जम्मू कश्मीर दे कुलगाम जिले च सुरक्षा बलें इक टाक्करे च हिजबुल मुजाहिदीन दे दो उग्रवादी मारी मकाये ते इक ने आत्मसमर्पण करी दित्ता। "जम्मू लिंक्स थमां लैत्ती गेदी"

4. पर्यटकें ते सैलानियें गी आकर्षित करने दे उदेश्य कन्नै जम्मू-कश्मीर सरकार नो रोजें दे नवरात्रा ध्यार च माता वैष्णो देवी, कटरा च सांस्कृतिक, धार्मिक ते लोक मेलें दी इक लड़ी दी शुरुआत करग।

5. जम्मू कश्मीर दे साबका मुक्खमंत्री उमर अब्दुल्ला ने अज्ज गलाया जे गृहमंत्री राजनाथ सिंह दे आश्वासन दे बाद संविधान दे आर्टिकल 35A दे खिलाफ उट्ठने आह्ला शोर इत्थै खत्म होई जाना लोड़चदा। "जम्मू लिंक्स थमां लैत्ती गेदी"

6. जम्मू कश्मीर नैशनल पैंथरस पार्टी ने अज्ज गृहमंत्री राजनाथ सिंह होरें गी गलाया जे ओह् जम्मू च बस्से दे रोहिंग्या ते बांग्लादेशियें दे निर्वासन दा आदेश पारित करन।

7. केंद्रीय गृह मंत्री राजनाथ सिंह ने अज्ज गलाया जे पिछले ब'रे दी तुलना च हुन कश्मीर घाटी दी स्थिति च सुधार ऐ उनें गलाया जे ओह् लंबित पेदे मसले दे हल आस्तै सब्भै हित्तधारकें कन्नै गल्लवात लेई राजी न।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News