जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर दे हंदवाड़ा च सोमवारें सुरक्षा बलें दो उग्रवादियें गी गिरफ्तार करियै हिजबुल मुजाहिदीन दे माड्यूल गी ध्वस्त करने दा दावा कीत्ता, अवांतिपुरा च बी उग्रवादियें दे दो सहायक पकड़े गे।

2. कांग्रेस ने सोमवारें अपनी पार्टी दे विद्यार्थी विंग एनएसयुआई दे नमें प्रधान लेई जम्मू कश्मीर दे दूरदराज दे जिले रामबन थमां फैरोज खान गी चुनेआ ऐ। "जम्मू लिंक्स थमां लैत्ती गेदी"

3. भारती विदेश मंत्रालय ने सोमवारें गलाया जे भारत दे प्रधानमंत्री नरेंद्र मोदी ते युएस दे राश्ट्रपति डोनाल्ड ट्रंप 26 जून गी वाशिंगटन च मिलियै गल्लवात करंगन। एह् दौनें नेताएं दी पैहली मलाटी होग।

4. कश्मीर च उग्रवादी गतिविधियें आस्तै गैरकानूनी फंडिंग दे सिलसिले च एनआईए ने इक बारी परतियै अज्ज हुर्रियत कांफ्रेंस दे नेता सईद अली शाह गिलानी दे जुआई अल्ताफ अहमद शाह गी पुछताछ कीत्ती। "जम्मू लिंक्स थमां लैत्ती गेदी"

5. खजाना मंत्री अरुण जेटली ने सोमवारें गलाया जे रियासतां अपनी आमदना चा करसानें दे लोन माफ करने बारै सोचन। उनें केंद्र पासेआ कुसै बी चाल्ली दी फंडिंग कोला इनकार कीत्ता ।

6. कांग्रेस दे उप- प्रधान राहुल गांधी ने सोमवारें नरेंद्र मोदी दे नेतृत्व आहली एनडीए सरकार पर आरोप लाया जे ओह् हर कुसै गी चुप कराने लेई दवाब बना करदी ऐ उनें गलाया दलितें गी मार चाढ़ी जा दी ऐ, अल्पसंख्यक डर च न ते पत्रकारें ते प्रशासनिक अधिकारियें गी धमकाया जा करदा ऐ।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News