Breaking News:-

जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू दे अखनूर सेक्टर पर नियंत्रण रेखा दे कोल इक जनरल इंजीनियरिंग रिजर्व फोर्स शिविर पर अज्ज आंतकी हमले च उत्थै कम्म करने आहले त्रै मजदूर मरी गे।

2. भारी बर्फबारी करी लगातार त्रै रोज बंद रौहने मगरा हर मौसम च कश्मीर घाटी गी देश दे बाकी हिस्सें कन्नै जोड़ने आह्ली इक मात्तर जरनैली सड़क अज्ज परतियै गड्डियें दी आओ-आस्तै खोल्ली दित्ती गेई।

3. नेशनल कांफ्रेंस ते बीजेपी दे सदस्य जम्मू-कश्मीर विधानसभा च आपू-चें उसलै भीड़ी पे जिसलै बरोधी पार्टी ने प्रदर्शन करियै 2016 च कश्मीर च जारी हिंसा च नागरिकें दी मौत दी न्यायिक जांच दी मंग कीत्ती।

4. मुक्खमंत्री महबूबा मुफ्ती ने अज्ज पाकिस्तान ते अलगाववादियें गी घाटी च जारी तनाव दा दोशी मनदे आक्खेआ जे अलगाववादियें सब्भै पार्टी शिश्टमंडल कन्नै गल्लवात नेईं करियै एह् सिध्द होआ जे इसदियां त्यारियां बड़ी पैहलै करी लैतियां गेदियां हियां।

5. बीजेपी दे एमएलसी सुरिंद्र अंबरदर ने कश्मीरी पंतें दी घाटी च सम्मान पूर्वक बापसी आस्तै पनुन कश्मीर कन्नै गल्लवात दी बकालत कीत्ती ।

6. जसबंत सिन्हा दे नेतृत्व च नागरिक शिश्टमंडल ने गलाया जे जम्मू कश्मीर च मानवाधिकार दी स्थिति च सुधार होआ करदा ऐ उनें गलाया जे हुरियत कांफ्रेंस ते होर अलगाववादी समूह दे अलावा सब्भै हित्तधारकें कन्नै गल्लवात करनी लोड़चदी।

7. कठुआ जिले च दो समुदाये दे लोक्कें बश्कार होए दे टाक्करे च पंज पुलिस कर्मियें समेत नो लोक घाऽल होई गे, इस दौरान त्रै जने गिरफ्तार बी कीत्ते गे।

8. जम्मू कश्मीर दे कठुआ जिले च दो समुदायें बश्कार होए दे विवाद दे मसले गी लेईयै बरोधी पार्टी दे विधायकें विधानसभा च हंगामा कीत्ता ओह् नारे लांदे होई सदन दे बैल्ल तगर पुज्जी गे।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News