Breaking News:-

जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. मुक्खमंत्री महबूबा मुफ्ती ने अज्ज एह् साफ कीत्ता जे चुनी गेदी बीजेपी पीडीपी गठबंधन सरकार गी ऐजेंडा आफ अलांइस गी लागू करने ते रियासत दे केईं मसलें गी हल करने दे अलावा होर कोई चारा नेईं ऐ।

2. कश्मीर घाटी भारी बर्फबारी दी बजह कन्नै पिछले दो रोज देश दे बाकी हिस्सें थमां कटोए रौहने दे बाद अज्ज इक बारी परतियै हवाई सेवा बहाल करी दित्ती गेई ते जरनैली सड़क बी गड्डियें दी आओ-जाई आस्तै खोली दित्ती गेई ऐ।

3. इक आरटीआई कार्यकर्ता दे मानव अधिकार दे हनन ते भ्रष्टाचार दे इल्जाम पर सीआरपीएफ ने जम्मू कश्मीर च प्रदर्शनें च इस्तेमाल कीत्ते गेदे असले दे अलावा पैलेट गनें दी जानकारी देने थमां इनकार करी दित्ता ।

4. नोटबंदी दे बरोधियें पर प्रधानमंत्री नरेंद्र मोदी ने अज्ज गलाया जे जेह्ड़े लोक इस फैसले गी लोक्कें दे विरुध्द मनदे न ओह् लोक असल च काले धन दे राजनीतिक पुजारी न जेह्ड़े अर्थव्यवस्था, राजनीति ते समाज गी खोखला बना दे न।

5. आयकर विभाग ने बैंकें गी अपने बैंकें दे बचत खातें च 1 अप्रैल थमां 9 नवंबर 2016 तगर होए दे जमा पैसें दी जानकारी मंगी ऐ, आयकर विभाग सरकार पासेआ नोटबंदी दे आहले म्हीनें च बैंक ट्रांसैक्शनें दी जानकारी गी खंगालने दी योजना ऐ।

6. नोटबंदी च कालेधन दे घट्ट होने पर सुआल ठुआंदे खजाना मंत्री अरूण जेटली ने अज्ज गलाया जे बैंकें च पैसा जमा होने कन्नै ओह् सेही नेईं होई गेआ, बल्कि पैसे दी पंछान उदे मालक कन्नै होग जे ओह् काला ऐ जा सफेद।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author

Jammu Links News