जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1) जम्मू कश्मीर दे बड़गाम जिले च सुरक्षा बलें इक टाक्करे च दो उग्रवादिएं गी मारी मकाए। इक सर्च आप्रेशन दौरान उग्रवादिएं फायरिंग कीत्ती जिसदे जवाब च सुरक्षा बलें बी गोलीबारी कीत्ती।

2) बीजेपी दे जनरल सैक्टरी राम माधव ने विजयपुर च बनन जा करदे एम्स स्थल का दौरा कीत्ता, जित्थैं 3 फरवरी गी प्रधानमंत्री नरेंद्र मोदी एम्स संस्थान का निंह् पत्थर रक्खङन।

3) कश्मीर घाटी गी देश दे बाकी हिस्सें कन्नै जोड़ने आहली इकमात्तर जरनैली सड़का पर भारी बर्फबारी ते बर्खा करी गड्डियें दी आओ-जाई गी रोकी दित्ता गेआ ऐ। जवाहर टनल कोला लगभग दो-दो फुट्ट बर्फ पेई गेदी ऐ।

4) प्रधानमंत्री कार्यालय दे मंत्री डा जितेंद्र सिंह ने मकामी कलाकारें ते संस्कृति गी बढ़ावा देने दे मकसद कन्नै उधमपुर जिले च 103.7 मैगाहर्ट्ज फ्रेक्वैंसी आह्ले एफ एम रेडियो स्टेशन दा उद्घाटन कीत्ता।

5) प्रधानमंत्री नरेंद्र मोदी पास्सेआ चुक्के गेदे दो मसलें इक देश इक टैक्स ते ड्राई पोर्ट मल्टी माडल लोजस्टिक पार्क जनेह मसलें पर जम्मू कश्मीर दे प्रशासन दे खुश्क रवैये पर जम्मू व्यापार एवं उद्योग मंडल दे प्रधान ने प्रैस कांफ्रेस कीत्ती।

6) तेल दी कीमतें च उछाल दे मद्देनजर देश दी राजधानी नमीं दिल्ली च अज्ज पैट्रोल दी कीमत च 1.02 पैसे ते डीजल दी कीमत च 26 पैसे प्रति लीटर स्हावें बढौतरी दर्ज कीत्ती गेई।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author