जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. गणतंत्र दिवस समारोह दे 10 दिन पैहले गै उग्रवादियें सिरीनगर दे लाल चौक दे घण्टा घर दे कोल सीआरपीएफ दे इक बंकर पर ग्रेनेड सुट्टेआ ते इक दुई घटना च दक्षिणी कश्मीर दे शोपियां जिले च सुरक्षा बलें पर ग्रेनेड सुट्टेआ पर कुसै बी चाल्ली दे नुकसान दी कोई खबर नेईं ऐ l

2. लद्दाख खित्ते दे खारदुंगला लाक्के च इक ट्रक दे बर्फिले तूफान च फसने करी पंज जनें दी मौत होई गेई ते पंज होर लापता होई गे। बीआरओ जम्मू कश्मीर पुलिस ते फौज ने बचाव अभियान चालाए दा ऐ उंदा मनना ऐ जे प्रभावित लोक बर्फू हेठ दबोए दे न।

3. जम्मू कश्मीर दे कठुआ जिले दे अंतराष्ट्रीय बन्ने आहले लाक्कें च पाकिस्तानी फौज पास्सेआ सीजफायर दा उलंघन करियै गोलाबारी कीत्ती गेई, जिसदा भारती फौज ने मूंहतोड़ जवाब दित्ता।

4. महेंद्र सिंह धोनी ने द्विपक्षीय श्रंखला दे खीरी ते निर्णायक मैच च महेंद्र सिंह धोनी ने नाबाद 87 रन बनाइयै भारत गी आस्ट्रेलिया पर सत्तें बिकटें कन्नै जित्त दुआई। युजवेंद्र चहल ते एमएस धोनी गी मैन ऑफ द मैच ते मैन आफ द सीरीज चुनेआ गेआ।

5. जम्मू युनिवर्सिटी दे छात्रें एसएसी दी छात्र विरोधी नितियें ते निर्णयें गी रद्द करने दी मंग गी लेइयै अज्ज अधिकारियें दे खलाफ़ जम्मू यूनिवर्सिटी च बरोध प्रदर्शन कीता, उ'नें युनिवर्सिटी दे बाहर दी सड़क गी बंद कीता ते गलाया जे एसएसी दे शिक्षा विभाग दे शिक्षकें दे पदें गी रूपांतरित करने दे निर्णय गी बापस लै।

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author