जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर प्रदेश कांग्रेस कमेटी दे प्रधान गुलाम अहमद मीर ने ऐतवारें रियासत दे लोक्कें गी आग्रह कीत्ता जे ओह् बीजेपी ते आर एस एस दी विभाजन कारी राजनीति कोला बचने दी सलाह दिंदे गलाया जे कांग्रेस गै ऐसा विकल्प ऐ जेहड़ी सैकुलर रेहियै देश गी चलाई सकदी ऐ।

2. सज्जाद गनी लोन दे नेतृत्व आहले पिपल्स कांफ्रेंस दे शिष्टमंडल ने अज्ज जम्मू कश्मीर दे गवर्नर सत्यपाल मलिक कन्नै मलाटी करियै रियासती आरक्षण संशोधित बिल पर अपनी सैहमती दस्सी।

3. अभिनेता मुनिश पाल ने ऐतवारें अंतराश्ट्री बन्ने दे अगेतरे लाक्कें दा दौरा करियै बीएसएफ दे जवानें दी हिम्मत ते हौसले दी तारीफ कीत्ती।

4. जम्मू कश्मीर दे रजौरी जिले दी नियंत्रण रेखा पर बारूदी सुरंग धमाके च शहीद फौज दे इक अधिकारी ते जवान गी ऐतवारें श्रद्धांजलि अर्पित कीत्ती गेई।

5. गुज्जर समुदाय दा नेतृत्व करने आहली संस्था ट्राइवल रिसर्च ते कल्चरल फाउंडेशन ने अज्ज जम्मू कश्मीर प्रशासन गी पिछड़े दे समुदाय च गरीबी गी हटाने लेई कुसै योजना दी शुरुआत करने दी मंग कीत्ती।

6. बर्फबारी दी बजह कन्नै बंद पेदी जम्मू-सिरीनगर जरनैली सड़का पर फसे दी जरूरी समान लेइयै जाने आहली गड्डियें ते सवारी वाहनें गी अज्ज सिरीनगर लेई रवाना कीत्ता गेआ।

7. सिक्खें दे दसमें गुरु, गुरु गोविंद सिंह हुंदी जयंती पर स्मारक सिक्का जारी करदे अज्ज प्रधानमंत्री नरेंद्र मोदी होरें करतारपुर गलियारे आहले मसले गी चुक्केआ।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author