जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. मौसम विभाग ने कश्मीर घाटी च बीरवार संझा तोड़ी ताजा बर्फबारी दे आसार जताए न, कश्मीर घाटी ते लद्दाख खेत्तर च ठंड दा प्रकोप अजें बी बरकरार ऐ।

2. आलोक बर्मा दे सीबीआई प्रमुख दे पद सांभने दे 30 घैंटे मगरा गै प्रधानमंत्री नरेंद्र मोदी दे नेतृत्व आहली इक उच्च स्तरीय कमेटी ने उनेंगी सीबीआई दे प्रमुख पद थमां हटाई दिता ऐ।

3. पाकिस्तानी फौज ने जम्मू कश्मीर दे पुंछ ज़िले दी नियंत्रण रेखा पर नागरिक ते फौजी ठकानें गी नशाना बनाइयै लगातार त्रिये रोज बी गोलाबारी कीत्ती जिसदा भारती फौज ने मुंहतोड़ जवाब दिता।

4. जम्मू कश्मीर दे लद्दाख खित्ते च अज्ज 4.6 तिव्रता आहला भूंचाल आया।

5. फौज दे प्रमुख जनरल विपिन रावत ने अज्ज गलाया जे चीन ते पाकिस्तान दे बन्ने पर स्थिति गी शैल चाल्ली सांभी रखे दा ऐ।

6. पीडीपी दी प्रधान महबूबा मुफ्ती ने ने जम्मू कश्मीर दे गवर्नर सत्यपाल मलिक हुंदे अगें अर्ज कीत्ती जे रामबन जिले च 13 ब'रें दी कुड़ी कन्नै होए दे दुश्कर्म दे आरोपियें गी सजा दित्ती जा।

7. अजय माकन दे इस्तीफे बाद दिल्ली दी साबका मुक्खमंत्री शीला दीक्षित गी दिल्ली कांग्रेस दा प्रमुख बनाया गेआ ऐ।

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author