जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. बीजेपी दे नेतृत्व आहली केंद्र सरकार दा उदाहरण दिंदे पीडीपी दी प्रधान महबूबा मुफ्ती ने अज्ज गलाया जे इक पार्टी दी सरकार कोला बेहतर गठबंधन दी सरकार होंदी ऐ।

2. जम्मू कश्मीर च युवाएं दे उग्रवाद बक्खी ज्यादा झुकाव पर नैशनल कांफ्रेंस दे उप प्रधान उमर अब्दुल्ला ने चिंता जाहर कीत्ती ऐ।

3. सरकार पास्सेआ सीबीआई दे डरैक्टर पद कोला आलोक बर्मा गी हटाने आहले आर्डर गी रद्द करदे आलोक बर्मा गी सीबीआई दा प्रमुख बने रौहने दा आदेश जारी कीत्ता।

4. पाकिस्तानी फौज ने इक हफ्ते च पंजमीं बारी सीजफायर दा उलंघन करियै जम्मू कश्मीर दे पुंछ जिले दी नियंत्रण रेखा पर गोलाबारी कीत्ती।

5. जम्मू कश्मीर दे पुलवामा जिले च सुरक्षा बलें इक टाक्करे च इक बेपंछानू उग्रवादी गी मारी मकाया।

6. कश्मीर घाटी तापमान च किश बडौतरी करी ठंड कोला लोक्कें गी किश थोड़ी राहत मिली ऐ पर अज्ज बड्डलै बी घाटी दे किश थाहरें पर बर्फबारी होई ऐ।

7. लोक सभा च अज्ज दस्सेआ गेआ जे 2014 कोला लेइयै हुनै तोडी जम्मू कश्मीर च 838 उग्रवादी मारे गे ते इस दौरान 183 नागरिकें दी मौत होई।

8. बीएसएफ ने अज्ज जम्मू जिले दी अंतराश्ट्री सीमा पर कथित तौर पर घुसपैठ दी हरकत गी दिक्खियै फायरिंग कीत्ती।

9. सुप्रीम कोर्ट ने मंगलवारें राम जन्मभूमि ते बाबरी मस्जिद जमीन बटवारे आहले केस पर इक पंज मेंबरी जजें दा बैंच खडेरेआ ऐ।

10. जम्मू कश्मीर सरकार दे साबका मीडिया सलाहकार ते पत्रकार सुहेल बुखारी ने अज्ज महबूबा मुफ्ती हुंदी मौजूदगी च पीडीपी दा दामन थम्मेआ।

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author