जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. नैशनल कांफ्रेंस दे नेता उमर अब्दुल्ला ने अज्ज गलाया जे उंदी पार्टी जम्मू कश्मीर विधानसभा चुनांऽ कोला पैहलै कुसै पार्टी कन्नै गठबंधन नेईं करग पर रियासत गी बचाने आस्तै ओह पीडीपी ते कांग्रेस कन्नै मलाई सकदी ऐ।

2. जम्मू कश्मीर दी बीजेपी ईकाई ने अपनी पार्टी दे विधायक गगन भगत गी पार्टी बरोधी गतिविधिएं च हिस्सा लैने आस्तै पार्टी थमां बेदखल करी दित्ता।

3. कश्मीर घाटी दे उच्चें थाहरें पर सोमवारें बर्फबारी होई ते मदानी लाक्कें च छुट्ट-पुट्ट बर्खा होई। भुस्खलन करी जम्मू सिरीनगर जरनैली सड़क गड्डियें दी आओ-जाई आस्तै बंद ऐ।

4. अलगाववादी नेताएं सोमवारें युनाइटेड नेशन दे सैक्रेटरी जनरल अग्गें कश्मीर मसले गी हल करने लेई गलाया।

5. पाकिस्तान दे प्रधानमंत्री इमरान खान ने सोमवारें गलाया जे पाकिस्तान जम्मू कश्मीर दे लोक्कें गी पूरी राजनीतिक ते वैचारिक मदाद जारी रखग।

6. कश्मीर घाटी च जारी ताजा बर्फबारी दी बजह कन्नै कश्मीर घाटी गी देश दे दुए हिस्सें कन्नै जोड़ने आहली सड़क मुगल रोड़ गी गड्डियें दी आओ-जाई लेई बंद करी दित्ता गेआ ऐ।

7. युके दी कोर्ट ने भारत च हजारां करोड़ रपेऽ दे घोटाले दे आरोपी विजय माल्या दे भारत च प्रत्यापन लेई मंजूरी देई दित्ती ऐ।

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author