जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर नैशनल कांफ्रेंस दे उपप्रधान उमर अब्दुल्ला ने अज्ज जम्मू कश्मीर विधानसभा भंग करने दी अपनी मंग गी दोहराया ते गलाया जे कश्मीर दे हलात चुनांऽ लेई माकूल नेईं न।

2. पी चिदंबरम दे नेतृत्व च जम्मू कश्मीर आस्तै कांग्रेस दा नीति योजना समूह ने रियासत दे लद्दाख खित्ते च लोक्कें दे बक्ख बक्ख समूहें कन्नै मिलियै रियासत दी समाज - राजनीतिक स्थिति बारै उंदे बचार जानें।

3. कठुआ बलात्कार ते हत्या आहले केस दी सुनवाई करने आहली पठानकोट जिला ते सैशन कोर्ट ने अज्ज इक आरोपी पास्सेआ उत्पीड़न दा दोश लाने आहली अर्जी गी जम्मू कश्मीर पुलिस दे डी जी गी भेजेआ।

4. जम्मू कश्मीर दे कुपवाड़ा जिले च अज्ज चार लोक्कें गी गिरफ्तार कीत्ता गेआ उंदे कब्जे थमां भारी मात्रा च हथियार ते गोलाबारूद बरामद कीत्ता गेआ।

5. जम्मू कश्मीर दे अनंतनाग जिले दे काजीकुंड थाहरै पर इक सड़क दुर्घटना च दो अमरनाथ यात्रा दे श्रद्धालुएं दी मौत होई गेई ते पंज जने घाऽल होई गे।इसदे अलावा शेषनाग च दम घुटने करी इक सेवक दी मौत होई गेई जिसदे कन्नै इस ब'रै यात्रा च मरने आहलें दी गिनतरी 17 पुज्जी गेई ऐ।

6. जम्मू कश्मीर दे कुपवाड़ा जिले च रात भर चले दे टाक्करे च अज्ज सबेरै सुरक्षा बलें इक बेपंछानू उग्रवादी गी मारी मकाया।

7. हिज्बुल मुजाहिदीन दे कमांडर बुरहान वानी दी दुई बरसी दे मौके पर हलात खराब होने दे अंदेशे दे मद्देनजर कानून व्यवस्था दी बजह कन्नै रोकी गेदी अमरनाथ यात्रा गी अज्ज जम्मू थमां परतियै शुरू करी दित्ता गेआ ऐ।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author