जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर दे रजौरी जिले च नियंत्रण रेखा पर पाकिस्तानी फौज पास्सेआ भारी गोलाबारी च इक भारती फौज दा जवान श्हीद होई गेआ।

2. शिक्षा मंत्री सईद अल्ताफ बुखारी ने अज्ज सेना प्रमुख जनरल विपिन रावत दे व्यान दी नुक्ताचीनी कीत्ती जिस च उनें गलाया हा जे सरकारी स्कूलें थमां युवा कट्टरवाद आह्ले पास्सै जा करदे न। मंत्री ने गलाया जे रियासत दे मसलें च फौज दी दखलंदाजी स्वीकार नेईं ऐ।

3. पुंछ जिले दी नियंत्रण रेखा पर इक बंब फट्टने करी अज्ज इक 12 ब'रे दा जागत घाऽल होई गेआ। "जम्मू लिंक्स थमां लैत्ती गेदी"

4. जम्मू कश्मीर नैशनल पैंथरस पार्टी ने अज्ज पीडीपी विधायक पास्सेआ कश्मीरी उग्रवादियें गी शहीद आक्खने आह्ले व्यान दी सख्त मजमत कीत्ती ते गलाया जे अलगाववादिएं गी पालना रियासत दी सुरक्षा आस्तै इक गंभीर खतरा ऐ।

5. लेह कस्बे च घट्ट कोला घट्ट तापमान च किश डिग्री दी गिरावट दर्ज कीत्ती गेई कश्मीर घाटी च बी ज्यादातर थाहरें पर तापमान जमाव बिंदु कोला हेठ बरकरार ऐ।

6. मुंबई दे तटवर्ती लाक्के च ओएनजीसी दे कर्मचारियें गी लेई जाने आह्ला इक हैलीकॉप्टर क्रैश होई गेआ जिस च पंज कर्मचारियें दी मौत होई गेई।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author