Breaking News:-

जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर विधानसभा च पिछले कल्ल कांग्रेस दे विधायकें पासेआ लाए गेदे नारें पर स्पीकर पासेआ संज्ञान लेने पर अज्ज परतियै विधानसभा हंगामे दी भेंट चढ़ी गेई।

2. करगिल समेत कश्मीर घाटी दे मते सारे थाहरें पर अज्ज घट्ट कोला घट्ट तापमान च गिरावट दर्ज कीत्ती गेई ते एह् जमाव बिंदु कोला हेठ ऐ ,रियासत च लद्दाख खित्ते च इस मौसम दी सारें कोला ठंडी रात दर्ज कीत्ती गेई जित्थै तापमान जमाव बिंदु कोला 12.4 डिग्री हेठ दर्ज कीत्ता गेआ ।

3. जम्मू कश्मीर सरकार ने अज्ज गलाया जे 15881 करोड़ रपेऽ दी सिरीनगर मैट्रो योजना दा सर्वे राईट्स लिमिटेड गी सोंपे दा ऐ जेह्ड़ी इक अप्रैल कोला लेईयै इस ब'रै सितंबर तगर पूरे प्रोजेक्ट दी रिपोर्ट गी पूरा करियै सरकार गी सौंपग।

4. बीएसएफ ने अपने इक जवान पासेआ घटिया क्वालिटी दी रुट्टी उपलब्ध करोआने आहले व्यान पर आखेआ जे इस जवान गी अपने बरिश्ठ अधिकारी उप्पर हथियार चुक्कने दा इल्जाम साबत होने पर 2010 गी इसी कोर्ट मार्शल कीत्ता गेआ हा।

5. रियासत दे कठुआ जिले च दो समुदाय दे लोक्कें बश्कार होए दे टाक्करे उप्पर अज्ज जम्मू कश्मीर विधानसभा च बरोधी पार्टियें प्रदर्शन करियै बाक आऊट कीत्ता।

6. आर्थिक सर्वेक्षण दी रिपोर्ट च दस्सेआ गेआ जे कश्मीर च जारी पंज म्हीने दी हिंसा च शिक्षा खेत्तर बुरी चाल्ली प्रभावित होआ ऐ जिसदा सिध्दा नुकसान विद्यार्थियें गी होआ।

7. जम्मू कश्मीर विधानसभा च अज्जकांग्रेस दे इक विधायक ने पीडीपी दे विधायक पासेआ अपने पर विवादास्पद टिप्पणी करने दे बरोध च अज्ज उस विधायक खलाफ बिशेशाधिकार हनन प्रस्ताव ल्यांदा।

 

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author