जम्मू लिंक्स न्यूज़ दी प्रस्तुति - मुक्ख डोगरी खबरां।

Powered By 17- Miles Hotel

1. जम्मू कश्मीर विधानसभा गी भंग करने दे इक रोज बाद गवर्नर सत्यपाल मलिक होरें बीरबारें गलाया जे एह कारवाही रियासत दे हित च ते संविधान दे अनुकूल कीत्ती गेई

2. जम्मू कश्मीर विधानसभा गी भंग करने दे अपने फैसले दा बचाव करदे गवर्नर सत्यपाल मलिक होरें गलाया जे विधायकें दी खरीद फरोख्त कन्नै ते बक्ख बक्ख विचारधारा रखने आहली पार्टियें लेई इक स्थिर सरकार बनाना मुमकिन नेईं हा।

3. नैशनल कांफ्रेंस दे नेता उमर अब्दुल्ला ने अज्ज गलाया जे जम्मू कश्मीर च पीडीपी दे सरकार बनाने च उंदी पार्टी दा समर्थन जम्मू कश्मीर गी वर्तमान हालातें चा उभारने करी हा।

4. नैशनल कांफ्रेंस दे नेता उमर अब्दुल्ला ने गवर्नर सत्यपाल मलिक होंदे पीडीपी, कांग्रेस ते नैशनल कांफ्रेंस दे गठबंधन गी बक्ख बक्ख विचारधाराएं दे कट्ठे होइयै इक स्थिर सरकार नेईं बनाने आहले मत दी आलोचना कीत्ती।

5. उमर अब्दुल्ला ने अज्ज बीजेपी दे जनरल सेक्रेटरी राम माधव हुंदे आसेआ दित्ते गेदे व्यान पर माफी मंगने जां आरोप साबित करने लेई गलाया जिस च उनें गलाया हा जे नैशनल कांफ्रेंस दा पंचायत चुनांऽ दा बहिष्कार पाकिस्तान दी सलाह पर हा।

6. खजाना मंत्री अरूण जेटली ने अज्ज गलाया जे जम्मू कश्मीर च गवर्नर पास्सेआ विधानसभा भंग करने बाद केंद्रीय कैबिनेट ने जम्मू कश्मीर दी स्थिती बारै जानकारी लैत्ती।

7. अनंतनाग जिले च मंगलवारें अलगाववादी नेता दी हत्या दे बरोध च कश्मीर घाटी च अलगाववादियें पास्सेआ बुलाए गेदे कश्मीर बंद दी बजह कन्नै घाटी च आम जनजीवन प्रभावित रेहा।

8. दशैहरे दी त्रकालें अमृतसर च होए दे रेल हादसे दी जांच दे बाद रेलवे सुरक्षा दे चीफ कमिश्नर ने रेलवे गी इस घटना च पाक साफ दस्सेआ ऐ। इस हादसे च 61 लोक्कें दी जान गेई ही।

Fast, accurate and updated real time local news is available on your smartphone and tablet.
STAY CONNECTED EVERYWHERE YOU GO!

Author